إقتراح للسيد : وزير المالية بخصوص توظيف شباب الخريجين ومتوسطى الخبرة ...

من الحلم المصرى . أنت مش لوحدك في 25 أبريل، 2011‏، الساعة 11:45 مساءً‏‏

طبعا مما لاشك فيه اننا بنواجه مشكلة كبيرة وهى مشكلة البطالة وكيفية خلق فرص عمل وخصوصا لشباب الخريجين

.اهم المشاكل اللى بتواجه شباب الخريجين

:- اولا مواجهة الواقع خصوصا بمجرد الخروج من الجامعة وكله طاقة وحماس وبيلاقى ان الواقع غير مطابق لخياله وطموحاته

- نقص الخبرة بالطبع

- اختلاف المواد الدراسية اللى قضى سنين كتير يدرسها واختلافها تماما عن سوق العمل- (نقص المعرف باساسيات ومتطلبات سوق العمل الحديث ( لغات - وكمبيوتر - وتنمية بشرية وجهة نظر البيدج  للمساهمة فى حل جزء من المشكلة

 - الزام جميع الشركات العاملة بالدولة بانها تخصص نسبة 30% من موظفيها من شباب حديثى التخرج .

هيحضرنا سؤال ازاى هنلزمهم وازاى نفرض ده عليهم وممكن انه يؤثر مع الوقت على الاستثمار والتدخل الحكومى فيه - الشركةبتدفع نسبة معينة كل سنه من الضرائب للدولة بحكم القانون طيب

 - يتم تخصيص جزء من النسبة المدفوعة كضرائب كاعفاء لكل شركة تقوم بتوظيف نسبة ال 30% من حديثى التخرج ولتكن 30% من اجمالى ما كانت ستقوم الشركة بسداد كضرائب

- مثال: الشركة عدد موظفيها 20 موظف تكون ملزمة بتوظيف عدد 6 من شباب الخريجين باختلاف تخصصاتهم بما يتماشى مع نشاط الشركة بالطبع

 -الشركة اجمالى الضرائب المستحقة ولنفرض 300الف جنيه طيب هى لو وظفت 6 شباب بمتوسط رواتب 1000 جنيه فى السنه هيكون اجمالى رواتبهم 72 الف جنيه - هيتم اعفائها من 30% يعنى حوالى 90 الف ده معناه انها وظفت عدد6  من الشباب حديثى التخرج وكمان وفرت جزء من الضرائب اللى كانت مفروض هتدفعها

 النتيائج :

الشركات: هتسعى بكل طاقتها انها توظف اكبر عدد من الشباب علشان تقدر توفر اكبر قدر ممكن من الضرائب-

-حديث التخرج: هيلاقى المكان اللى ياخد فيه الخبرة المطلوبة ويبقى جزء كبير من مشكلته انه يلاقى شغل اتحل وهو الخبرة

- الدولة: هتوفر جزء كبير من مشاريع التوظيف لانها هتحملة بطريق غير مباشر على اصحاب الاعمال والشركاتالمجتمع طبعا لما

يبقى جزء كبير من الشباب بيشتغل اكيد هيكون الوضع الاجتماعى افضل من جميع الاتجاهات

أرجوا المشاركة وابداء الراى والتعليق على الملاحظة ونشرها فى حالة الاقتناع . وممكن تكون وجهة نظر صح او غلط ما هى الا

اجتهاد لمحاولة التعاون لمساعدة اخواتنا وبلدنا طبعا .كلنا اخوات وايد واحدة

كيفية تطوير الاخوة الموظفين متوسط الخبرة والموظفين بالفعل .

1- تتعاون الوزارة مع بعض مراكز التدريب المتميزة ويتم  منحه بعض الدورات التدريبة والكورسات لتاهيلة وتطوير مشتوى اداؤه

السؤال طيب مين اللى هيدفع التكاليف دى :

الموظف كل شهر بنخصم منه تأمينات وضرائب فى المتوسط 400 جنيه فى السنه هيكون حوالى 4800 جنيه هو ده المبلغ اللى هياخد بيه الكورسات والدورات التدريبة اللى هتطوره

الفوائد :

للموظف :

اكيد مستوى ادؤه هيختلف وهيتغير كتير بعد لما يحصل على دورات وكورسات تناسب طبيعة عمله  واجره فى سوق العمل هيكون اكبر .

المبلغ اللى هيدفعه هيكون بس لسنه واحده من قيمة الضرائب والتامينات اللى بيدفعها

الحكومة :

هترتاح من مشكلة البطاله المقنعة ومن ضعف مستوى الاداء وبالتالى هيقل تأثيره على جوده الانتاج والاداء بصفة عامة

جهة عمل الموظف :

أكيد موظف متطور وبيدرب على مستوى اعلى من البرامج وحاصل على دورات انتاجه هيكون افضل وادؤاه اعلى وبالتبعية هيطور مستوى اداء الشركة او المصلحة ككل