ضربنى وبكى
سبقنى وشكى
وحظى منه
نواح وبكى
خته على عيبه
ونسيت ألاعيبه
أتارى طباعه
فيه ملزقه
خدعنى كلامه
وهدومه وسلامه
اتاريه خداع
فى فراق ولقى
خبى التليفون
فى اوط النوم
أترنه مليه
بلوى مزرقة
وعود بجواز
عرفى يا أستاذ
على ام هدوم
لازقة محزقة
خدنى بأصول
وردة مفتحة
وسابنى يا ناس
جثة فى مشرحة
هى الرجالة
أغلبها خيانه
و لا حظى
سواد محرقه
سوادى يا سواد
سابلى الأولاد
وحكم القاضى
نفقه مفته
أكل ومصروف
وهدوم وكشوف
ولبن البيبى والوأوأة
هو إحنا فى غابة
إكمنا غلابة
عواطفنا خيابة ومرقرقه
لا عتاب ولا لوم
لو ابن أصول
كان صان العشرة
ولحمه بقه
بكرة هيقول
ولا ليلى ويوم
من المصروم
وعيشة هنية فى الشرنقة
لنا رب كريم
سميع وعليم
يفرجها علينا لو زنقه
............وائل سعيد........
