قصيدة غنائية بعنوان ((اتقابلنا ياعمرى تانى ))
******
افترقنا سنين طويلة
حلمنا ضاع والامانى
كل ده وف يوم وليله
اتقابلنا ياعمرى تانى
وابتدت أحلام تعود
والامانى والوعود
وابتدى كل الوجود
يدى لينا الفرصة تانى
****
الزمن ساعاته وقفت
والدموع فى عيونا هربت
والسما نجومها زادت
والسكون أصبح اغانى
***
كان زمان لما اتواعدنا
كان مابنا أحلام كتير
والقدر كان بيواعدنا
يكسر الحب الكبير
وافترقنا سنين كتيرة
كلها أحزان وحيرة
والطريق كانت طويلة
وانهارده لما اتقابلنا
رجعت الفرحة ف ثوانى
عمرى كله رجعلى تانى
****
م انهارده ايدك ف ايدى
راح نرجع عمر فات
انهاردة أحلامنا ترجع
راح تعود الذكريات
ترجع الأيام بفرحة
والحياة لابسالنا طرحه
والكلام مليان اغانى
اتقابلنا يا عمرى تانى
بقلمى الشاعر /هانى سرور # قيصار الكلمات
