العشرة ما بتهون
إلا لغبى مجنون
أنانى فى مشاعره
يسيب الأصيل وأصول
ويصول بقى ويجول
للى سبب تعبه
تنصح ومهما تقول
ميت وكان مسطول
غفلان سبب سعده
جر معاه مجرور
واخد الحياه بالطول
ميهمه غير نفسه
جرح المشاعر جور
بيكون من اللى يخون
بكره يلوم نفسه
لما عليه بتدور
والكل منه نفور
يبقى حصاد عمله
يتحسر بكل ذلول
لصبر اللى كان مذلول
كسب الحياه بعده
مش كل البشر بيخون
أو ملك كريم معصوم
لكن الوفا طبعه
رحمة وتاركها خئون
سلك طريق مسدود
إيليس وكان طبعه
الصبر للمقسوم
بيزيد من المحصول
اللى الاله وعده
دا الدنيا مهما تطول
أخرتها شبر بطول
دخل الجميع قبره
واللى إنتصر منصور
خاد الحياه بإصول
رضا الإله طبعه
فضل يكون مظلوم
يبات كتير مهموم
والبشرى نظير صبره
والعيشره ما بتهون
رغم الصعاب وفتون
للى الوفا طبعه
...........وائل سعيد.......
