أنا الغلبان
ومرتبى على قدى
وما يكفينى فى عيشتى
وأحتياجاتى تفتشنى
ولا علاوه بتنعشنى
ومش لاقى حد يحمينى
وفسده بيسرقوا فى طينى
وحكومتى بس تكوينى
ورقابه عجزه تحمينى
بيفتشونى من مولدى
هتشفها على سحنتى
ونفس سحنه والدتى
وكله بيفتش فى حضرتى
وبرضوا بأعتز بمصريتى
وأكن ليها محبتى
بس مش لاقى حد يحمينى
من فسده بيسرقوا فى طينى
الكل حاطط صوابعه فى عينى
وأصرخ وصوتى لوحدى طالعلى
حتى صوتى بايعنى
مين يشترى صوتى ياخالىٍ
هو رأس مالى وموالى
بعد ما بعت سيروالى
مفيش غير نفسى تعبانى
بتحرضنى أكون جانى
وهصبر على فجر بستانى
يمكن يخضر من تانى
مادام مفيش حد يحمينى
من فسده بيسرقوا فى طينى
بقلم كابتن |سعيد عبد العزيز الحاجه
