دارى العيون#عامية بقلمى..
دارى العيون داريها
السحر ساكن فيها
كلام جميل ألاقيها
قلبى يدوب معانيها
دارى العيون يا صبيه
أنا قلبى عاشق فيا
يا نسمة حلوة معديه
يا موجه عشقاها عنيا
النسمه قالت يا صبيه
فيك الكلام ميه الميه
وكلام كتير غالى عليا
اقوله واحكيه شويه
شرقانه عايزة الحنيه
والكلمة كانت لصبيه
خدودها ورد ولوليه
قلم الخطوط عامل فيا
حاجب وعينك عسليه
الواو وكانت نونيه
والرمش يسكرنى هديه
والروح تنادى مراكبيه
خدنى لبحرك يا عنيا
والموجه فى البحر عتيه
والقلب يعشق ملاغيه
واللا الشفايف دى ليا
والقول كتير تقسى عليا
وإن قلت مرة يا عنيا
تبقى فى عينى حوريه
وتحب دايما مداديه
آه منك إنتى يا صبيه
ياللى عنيك عسليه
دارى عيونك يا صبيه
ياساحرة قلبى وعنيا
دارى عيونك داريها
أنا قلبى اتشعلق فيها
أصل الكلام فيها عليا
أوصف كمان واللا شويه
دارى العيون داريها
أنا قلبى واقع فيها
دارى العيون
دارى العيون داريها
عامية بقلمى/إسماعيل مصطفى المحامى والشاعر.بلبيس .شرقيه مصر
