((( أنا صياد السمك )))

بصيد من نيلك وفى مركبي أطعم سمك

فى المسا أنصب فخاخى وأرمى الشبك 

وفى الصباح قبل الجميع أقوم أجمع السمك من الشبك

وأنا ورزقى ولامتسألنيش ولا أسألك

لا محتاج منك حاجه ولابتسولك

مركبى هو بيتى وأسرتى وبالنسبه ليا كل دنيتى وأعظم فلك

أصيل وهو كل ماأملك ولو في يوم منى هلك 

تضل بيا  كل الطرق وأعوام عوج 

راضى بنصيبى وقسمتى فرحان تشوف ضحكتى على سحنتى وملامحى أنسان  بسيط وحلمى أبسط على الورق 

شايله معاى  فى مركبى على سطح نيلك وخايف من الغرق 

وزى كل الناس اللى عايشين على بر أرضك وبساتينك   

على سطح نيلك الأصيل وفروعه والترع  والقناطر والرياحين

حكايات كتيره غنيه بالتفاصيل وحياه لمركبي والسمك

مطروحه للعبر والتعليم

ومن غير تفاصيل أنا خايف أمد أيدي من مركبى علشان أغسل جبهتى  لا ألقى ميه ولاسمك يكون ساعتها النيل نشف ويبقى الكل هلك حتى السمك 

وأنا معرفش غير مهنتى صياد سمك 

بقلمى/محمود صلاح السيد 14/1/2017