ماتساليش
اياكى عن زكرياتى تسالينى
انا بحبك وعاوزك بس تحبينى
الزكريات ماضى وخلاص انتهى
وكل حاجه بتاخد وقتها
حبيتها قبلك اه عشقتها
كانت حياتى ملكها
ولسه باقيه زكريات لحبها
بس خلاص افترقنا
وانا خلاص سبتها
سبت حبى وكمان جرحتها
لو سالتينى تانى مره
مش هكدب عليكى
واكيد هعترف لك
ساكن جوه قلبى حبها
لو عاوزانى انساها
حبينى ولو عشر حبها
واشك برضه انى انسى
انساها وياما قلبى سابنى
وراح لها
خلينى اعشقك خلينى مجنون
اصرخى قولى بحبك
عاوز صراخك يملى الكون
عاوز احس فيكى بالجنون
ساعتها ممكن احبك زيها
ولو مره تانى هتسالينى
قلبى هيسيبك ويروح لها
لان قلبى ساكن جوه قلبها
وسؤالك اسف لو هقولك
صحى احساسى لها
ودلوقت بس اقدر اقولك
انى مش بحبك انتى
علشان صحيتى فيا حبها
الشاعر عزالدين جبريل
