مش واردة
********
و نسيت انى ناسيكى
على بالى مش واردة
كنت غيمة مرت او
اى حاجة عارضة
او فى عز الشتاء
موجة صقيع باردة
و لا بتحاكينى روحى
عن ايامك ساردة
لان انتى مش واردة
تغيبى مشعرش حتى بغيابك
تكتبى ما اتصفح بعينى جوابك
وان سمتينى اعز احبابك
صابك الجفا والوجد سابك
لان خلاص مش واردة
لاورودك حنة بستانى
لا اخلصتى لاحسانى
ما وعيتى اى معانى
لا يوم كنت سمعانى
بقيتى مش واردة
ولا حتى بالافكار
تمرى فكرة شاردة
ولا طيفك يخطف العيون
او احساس لساة مسجون
ولا لحظة ضعف فيها جنون
بدونك كنت انا وهاكون
لا اتنسمك فى النسيم
مبقتش بهواك سقيم
معدتش جليسى النديم
كل مابيكى دميم
بقيتى حاجة عارضة
بقلم/ حاتم صلاح