يا صانع الخوف
جوا قلوب الناس
أنت أد ايه هتعيش
نفسي مره تفوق
سلاحك ده تطفيش
بص مره لحال الناس
روح لعندهم وشوف
كرامتهم بالسما فوق
لو على ملحه وعبش
الجوع بيخلق مواقف
لو عرفتها يوم تشيب
عيش مره وسط الناس
خليك في يوم حريف
الدنيا دي زي البحر
لو راضيه يوم تهدي
وتبقى ايامها وردي
وآه من غضبها عديك
هتغطس وتبقا غريق
الايام دواره يا خفيف
خليك لكل الناس صديق
تسكن في قلوبهم حبيب
بلاش تبقا في يوم غريب
بايه هيفيد صنع الخوف
والقلوب اقوى مالحديد
خراااااااابيش
الشاعر مجدي فرحات
