#حبوب_هلوسه
حبك إنتى يلزمه حبوب هلوسه
و مضاد حيوى لنبض بيطبل حنين
حب الحزين للفرحه بعد غياب سنين
و مسكنات
لسهر ليالى مع القمر و اﻷمنيات
ملعون أبوها الدنيا بتفرق عليل
عن موطنه
عن كل حاجه تفكره بعشقه الجميل
أنا مستخبى فى نفسى منك
غصب عن خوف هدنى
أنا هأنحنى
لكل الرياح لكن هأكونلك نسمة شوق
لو كان إدمان مش عاوز أفوق
و إن كان ذنبى هأعاند التوبه
حبيت و الطوبه فى المعطوبه
بأتنفس شوق
#هانى_آدم
