@@مستهدفين@@@
ياريت تفهموا لو مش فاهمين*
مصر دي دولة عليها العين*
في الخارج والداخل متربصين*
مسلم وقبطي مستهدفين*
عدونا عاوزنا جوه النسيج متفرقين*
يا أهلي فوقوا وخليكوا صاحيين*
عمر ما مصر إتقسمت بملة ودين*
ده جارنا جورج وجرجس أخوه كانوا معانا متربيين*
ومحمد أخويا وأحمد كمان بجيرانا دايما متعلقين*
بلدنا بيت نشأنا فيه أنا وحودة وبنيامين*
ياريت نكون لأعداء بلدنا مركزين*
بيحاولوا يدمرونا بنفسنا وهما يكونوا متفرجين*
بإيدينا نجهض حلمهم ونفسد مخططهم اللعين*
مش ممكن نقتل بعضنا لصالح المستعمرين*
ولا يوم أصدق إننا نصبح في يوم متفرقين*
مصر أمانة في قلبنا نحميها إحنا المصريين*
طلب ليه منسألش نفسنا بخلافاتنا مين المستفدين*
ياريت نضم إيدينا كلنا ونحارب كل المفسدين*
أنا مصري زيي زيكوا يا أهل مصر يا طيبين*
ياريت نفوق في عرضكوا لأننا مستهدفين*
تحياتي
وليد النميري