حلمت بالجنة
*************
أحلامي تسبقني
أتوه في سكه ممدودة
أخاف أصحى ألاقى
الأوهام معدودة
أصبر نفسي ببكرة
وأقول مسيرنا نتقابل
أحكي لك وجع قلبي
أحكي لك مشوار صبري
ألاقى دموعي تسبقني
تكوني بحسك موجودة
أتمنى تغيب الشمس
أتمنى يغيب بكره
ولا تغيبي ولا تغيب
ضحكتي بين ايديك
أنا ياما حلمت بيكي
وكنتي بعيده
ياما حلمت بيكي
وكنتي عنيدة
لو اقولك تصدقيني
انا بعت الكفن من سنين
لجل أشتري لك حلق بدلاية
وخلخال يضوى بقدامك
لجل أشتري لك توب
يزينك وسط خلانك
وما همني أتعرى قدامك
ما همني يقولوا خدامك
ما همني في ليل البرد
يرتجف جسمي
وقدمي تنزف من حفاها
ما همني تلفني الدنيا في راحاها
أصرخ بصوت مبحوح
مستني سفينة نوح
فارد لك شراع الشوق
أداوي لك أي جروح
تعالى نسرق اللحظة
تعالى قلبي ليكٍ مفتوح
تعالى حنيني ليكٍ متشوق
وقمري في ليلى متزوق
منور عتمة التكعيبة
تتدلى عناقيد الفرحة
نقطفها. ترن جوانا زغروطه
ونتلاقى في حضن عينيكٍ
يا خدنا الشوق لدنيا جديده
أحضن فيكي أحلامي
أصالح بيكي أيامى
وأشوف الضحكة في عينيكٍ
أشوف الفرحة حواليكٍ
وتخضر صحاري القلب
تنبت فله وياسمينا
وضحكه لطفل يتشاقي
ونتلاقى بأحلامي في الجنة
نتلاقى تباتي في حضني مشتاقه
هنتلاقي ؟؟؟؟؟؟؟؟؟؟؟؟؟؟
**************
محمود درويش
