اكتب وقول يا قلم
كلماتي : اشجان سليمان
------------------------
اكتب وقول ياقلم
دم الوليد اللي اتحرق
في رقبة مين ..؟!
اكتب بحروف من نار
وفكرهم ياقلم
فـ يوم ما هجم التتار
ولعت الدنيا بشرار
باتحادكم يا عرب
والوليد لما اتحرق
ما اتمدت أيد
تطفئ النار .
ليه قلوبكم بقت حجر
ليه عيونكم غمضت
ورضيتوا بالقهر والعار
يا دي العار .
يا أمة كانت ليل نهار
تتغني بمجد الجدود
القهر اصبح
مالوش حدود
والوجع اصبح مدار
فين الرجولة
صارت مهانة وانكسار
دم الوليد اللي اتحرق
في رقبة مين ..؟!
قلبي عليك ياابني انفطر
وروحي صارت رماد
وعقلي مني انشطر
أعلنها حرب من جديد
عليكي ياامة العرب
ولا ااخُتفي تحت التراب
وأعلنوها بإقتدار
مات واندفن من قهرته
ع اللي اتحرق
وصوته مالي الدنيا صراخ
اقولكم أعلنوها بإختصار
ما قدرش يتحمل خبر
مات يا عيني وانتحر ..!!
