****يا اللـــــــــــــــــه *****خاص بالمسابقه
غيره مين ربى ارضى بِحُكمه وقضاه
وانا عايش على ارضه وتحت عرش سماه
ولما يضيق بيا الحال اقول يا الله
عالم بحالى ومين يعلم بحالى سواه
واللى ربه ينصره ما يهزمه مال ولا جاه
ومن يخزله ربه مين ينصره لو الدنيا معاه
قارون لما بغى مين بالأرض سواه
وفرعون لما افترى مين أغرقه بالمياه
وادم لما تاب مين تاب عليه وهداه
ونوح لما قومه ضحكو عليه ادامه ومن وراه
مين بالسفينه نجاه هو واللى امنو معاه
ويونس فى بطن الحوت لما قال يا الله
مين خلى الحوت ليه غواصه للنجاه
وايوب لما اُبتلى مين سمع شكواه
وكشف عنه بلواه وشفاه وعفاه
ورزقه اهله وماله وزيهم عطاه
ويعقوب مين رد له بصره بعد بياض عيناه
ويوسف لما رموه فى البير مين نجاه
واخواته لما باعوه مين كان وياه
وم العبوديه والسجن لعِز وجاه
وموسى وهو رضيع فى البحر مين راعاه
والحبيب النبى فى الغار وصاحبه معاه
مين كان تالتهم **تالتهم هو الله
يا نفسى خليكى دايما** خليكى مع الله
لوتفرحى اشكرى وقولى الحمد لله
ولوتحزنى اصبرى وادعى يا الله
ويارب اختم حياتى بـ لااله الا الله
وبيها قبرى ينور ويزيد نوره وضياه
وعلى الصراط نجينى بعفوك يا الله
وم الحوض يسقينى حبيبك رسول الله
ويكون عفوك ورضاك لعبد ضل وتاه
راجع يتوب ويقول ارحمنى يا الله
يا الله يالله يا الله يا الله يا الله يا الله
******
