جوا النن الناعس
***************
جوا النن الناعس فوق الشوق
جوا الليل الهادي وسكاري ما تفوق
جوا حنيني لبكره
والصوت مخنوق
بتنفس آه بتنهيده تشق الحلق
وأنزف من كتر الوجد
شايف دمي علي الاسفلت
منداس تحت أقدامهم
أنا ياما مت كتير من غير ما تشاهد
وأرجع تاني فيه حلم جوايه متاخد
فيه نبتة في أيديا تترجى أزرعها في الارض
فيه أحلام وأمال مسروقه وكام فرض
وخريطة عشق حروفها
مطموسة متهمش حد
ولا عمري كلامي هزك هزل أو جد
واشوفني متاخد من أيامى وأيامك
والشوق يهز كياني وبعانى الصد
أبعت أشواقي رسايل ملقيش الرد
أتشرد في طرقات الحلم طول أو عرض
ألاقاني بتفتت متبعثر زي الثلج
وأتعرى من أحساسي قدامك وأشتاق لك
وبعيش أحساس العميان وأتخبط طول الوقت
جواكٍ متاهه وعتمه بلجأ لك محسش غيرالبرد
أتمنى تشوفنى عينيكٍ أتمنى تلمسني أيديكٍ
جاحده وقاسيه وكلك عند...
فين أحساسك بيه زمان؟
فين الشوق واللهفه وسبيل العطشان
فين الضحكه في عز الضلمه
تنورليل الحيران
مش هتعري ولا هتشرد
ولا من حبى ليكى هتجرد
وكل ماتقسى هيزيد حبي
أصل الحب مش بأرادتي
أسمك وصفك رسمك
كل كيانك مكتوب في بطاقتي
(((((محمود درويش)))))