***" الوجه البشوش "
----------------------
لو حكيت عـن حبي ليكي
كـل الكــلام مـيـكـفـهـوش
ولـو وصفـتـه بالـمعــانـي
كـل المعـاني متوصفوش
حُـبـي لـيكي هـو عُـمـري
و اللي قَـبـله ماعشـتهوش
بـدأ عُـمـري يـوم لُـقـاكي
واللي فـات ما بـحسبـوش
الجمـال مـش كُـل حـاجـه
بشـوفه في كُـل الوشـوش
والكـمـال دا كُــل حـاجــه
في غيرك انتِ مشفتهوش
لـو بـحـثـتـوا جـوه قـلـبـي
غـيـرها والله مـتـلاقــوش
كـل صنف حـريم نـسيتـه
إلا نــورهــا مـنـسـهــوش
وكمالها وجمـالها ودلالها
وقـدهـا وسـهـم الرمـوش
روحــه آه سُـكــر زيــاده
والعـيـنيـن ما بيرحمـوش
ولا بـسمـتـهـا وعـبـيـرهـا
الله علـي الوجـه البشـوش
كـل حـاجه فـيـهـا حـلــوه
زيّـها في الكـون مـالـوش
كـل ده مطـبوع في قـلبي
مـن زمـان زي الـنـقـوش
أحـكي إيه ولا احكي إيـه
دا الكــلام ما يـكـفـهــوش
------[مبروك البنا]------
ساحة النقاش