قشاش الدموع

منو الفات المزاج والكيف

واتوهط قليبي حنين...

منو البعرف يضحكني

اذا كان حااالتي زي الطين...

منو الحارب جيوش الهم

وقال للدنيا في ستين...؟

منو القشقش دموع قلبي

وقفل فيني ااااي انين...؟

منو الكفن حزن بااكر

قبل ما يولدوهو جنين...

منو الفات الجمال في الحد

عشان ما نقرا ليهو يس...

منو اللخبط حروفي كداااا

وبشتن شوقي حتي الحين...

وجاااط احساسي والكلماات

تعااال وريني غيييرك مييين..

امل بشير علي