فاقدنك!!
بنسأل يومى عن حالك
كيف أصبحت كيف قيلت
كيف امسيت وكيفنك
خطاباتى الكتبتها ليك
قول بالله هل جَنك؟؟
واذا جنك شعورك ايه
لسه نحنا واحشنك؟؟
تصدق ياشريك الروح
كتير والله فاقدنك
بنسأل اى زول شفناه
بنسأل كل زول عنك
حتى الليل نجوموا كمان
يوم قالولنا شايفنك!!
وقالو عليك جميل مياس
دا نجم الليل بغير منك
وكيف لو شاف جمال طيِبتِك
سماحتك ورِقتِك حِنِك
سفرنا الطال وهدّ الحيل
شقاوة وهم بعيد عنك
إلا عزانا فى بُعدك
مانسيناك وحافظنك
غرامك في جبينا هلال
وجوه قلوبنا شايلنك
وباكر تانى ليك بنعود
اكيد ياغالي جاينك
سنابل عشقنا الزابلات
بالافراح يقالدنك
يعودلهن إخضرار تاني
لانو عيونا شافنك
فهل تعلم حبيبى انا
كتير نجماتى غننك؟
غيابي عليك لو طول
رجاءاً لا تسىء ظنك
ياخ والله مشتاقين
وجد والله فاقدنك
فيصل ودالعشا
ساحة النقاش