المدرب ( س)

المدرب ( ص)

الأثر

1-التطبيق العملي

هذا المدرب شرح شرح جميل والكل أجمع  أنه عالم بالشاهد و الدليل ,وظل يشرح ويشرح والكل يسمع من أول الظهر لما الليل يطلع .

هذا المدرب شرح شرح جميل والكل أجمع أنه عالم  بالشاهد و الدليل , الكل متفاعل ،لأنه بيسأل ويحفز,ويشرح وننفذ .

2-التركيز والانتباه

لسة المدرب شغال وكل ما يتسأل سؤال يسرح عمال على بطال ده غير المتدربين بيتكلموا تقولش أطفال .

لسة المدرب شغال وكل ما يتسأل سؤال يجاوب في الحال لأنه منتبه

واللي قاعدين أدامه رجال مش عيال .

3- الدقة في إيصال المعلومة

لما يتسأل امتى وكام يجاوب نقول غالبًا ,ونادرًاوأهوكله كلام عام .

لما يتسأل امتى وكام يجاوب يقارب المنتصف أو 99% ولأنه مش عارف أسماء ال 1% يشعر بالأسف

4- الحافز التدريبي

لما متدرب يجاوب يقوله هجي على نفسي وأقول صح بس ركز معايا وافهم الأصح .

لما متدرب يجاوب يقوله رائع اللي حضرتك جاوبته وياريت الفكر ده قبل كدة صادفته .

5- مراعاة الفروق بين الأفراد

طريقة الشرح  هي هي من غير ما يراعي الفروق الفرديةوكأنه بيقول عملت اللي علي وخلصت . تقولش اللي أدامه واحد واتعمله كوبي وبست

 بيشرح بكذا طريقة وأسلوب والكل في قلب المحتوي بيدوب لأنه مراعي الفروق الفردية وبيبعد تمامًا عن النمطية .   

6- التدرج في النقل المعرفي

وأنت معاه راكب مرجيحة مرة فوووق ومرة تحت وتطلع تاني من غير ما تحس إنك ارتحت .

ماشي معاك خطوة خطوة,وبتحس إنك بقيت في العلم قدوة .

                                        7-القياس الفعلي للأثر التدريبي

يقول يا جماعة فاهمين يردوا آمين يقول لهم من غير ما تحلفوا اليمين أنا عارف إنكم صادقين .

مرة يسأل سؤال ومرة تانية ملاحظة أواستبانة وممكن كمان يعمل مسرحة للمحتوى اللى معانا أو يقرأعيوننا اللي دايمًا كاشفانا .

                               8- اختيار المدرب

حبينا ناخد تدريب من غير أي ترتيب ويا تصيب يا تخيب .

عرفنا مشكلتنا وإيه هي معوقاتنا فاخترنا مدرب يزود معلوماتنا وينمي مهارتنا ويوجه اتجاهاتنا .

9- المعينات التدريبية

معاه قلم وسبورة أو بالكتير يجيب صورة .

جاي ومستعد .معاه كل المعينات القديم والجديد وما يستجد .

10- تقسيم الجهد

داخل شديد ما شاء الله عليه والمتدربين بيهدوه وبعد شوية نجيب اتنين يسندوه .  

داخل هادي وسنة سنة والصوت بيزيد في الرنة وتحس إنه صاحب البقعة الذهبية وبيبعث في اللي حواليه النشاط والحيوية .