الشاعر محمد البلاط
مين المسئول
مين المسئول يجى العيد ونتجرح
وقبل العيد فى شهر كريم ندبح
فى عز صيام مذبحة
هى الحكايه مسرحه
ولا الولاد دول مش عباد
وقلت جسس من المشرحه
الأولى كانت في رفح
والكل مات
مفيش واحد انجرح
ساعت الفطار كأنه طار
ارهاب وفاتح مشرحه
مين اللى ليه المصلحه
وعمل ايه العسكرى
قايم ونايم مطرحه
وساعت الفطار
يمكن مفيش كيس العصير
لصيامه حتى يجرحه
مين المسئول
ناتج الدعاره بكل بساطه يذبحه
ارهابى من ظهر عويل
منتجش من نومة سرير
يظهر اصوله بتنأحه
جالو فى وقت الفطار
وبيد غدر يذبحه
مين المسئول وعلمه
يحرس سلاحه
وللمكان ما يسلمه
والثانية جايه بنيه صفره
وسواد قلوب على الفرافره
عسكر ملوش اى ذنب
غير ان فرض عليه وغفره
عاطى الامان قاعد فى جنب
بكل بساطه يهب كلب
بناب غدر يذبحه
لعبة ديابه فى البلد
ومفيش ولد يحد كل مطرحه
مين المسئول
وحوش تعشش فى البلد
واقوى رجال لهم جلد
وعلى الحدود
عسكرى لسه مستجد
مدرسش فن للقتال
ولا فى الاساس علمه حد
مين المسئول
مين اللى خلى العسكرى
يطبخ ويخبز عيش طرى
مين اللى خلاه كمسرى
مين اللى خلاه فى مدرسه
يمسك عصا للى عصا
دكتور او شيخ ازهرى
مين اللى لعب شطرنج
بجيش كبير واعطى له بنج
مين اللى خل عزمهم
وصبح ورق محشى سفنج
مين اللى يقف على الحدود
الشنجى ولا البرنج
مين المسئول واعطى له بنج
