انها الحرب يا يونس ، شعر أبو الحب

تاريخ النشر : 2010-11-06

 

تأمل يا يونس ، بصبح وكون انساني
محتار قلبي معك ، ما قدرت احكيلو
مش كل هم الهوى بيطلع على لساني
و ياما كواني الهوى بجمرة مفاعيلو

رغم الهواجس ، أنا يا صاح متفاني
ولأهلي بشواطي الأدب للقلب بوميلو
الكم يا أهل الوفا ، ارسلت تحناني
و ع شط غزه رسا و انتو مشاعيلو

وضحه الشقيه اسرني حسنها الجاني
و للروح ، ارسل تحياتو بمراسيلو
ورمشا رماني وسهامو بلسم العاني
ضلوع صدري نحت من دون ازميلو

و عيون فيها الغوى ، مأسور خلاني
و مع كل بسمه بشعري كنت غنيلو
الحب فيي انزرع ، مع ورد بستاني
وكرمال( وضحه) القلب ردد تراتيلو

شفت النصيري عطش بشفاف ضمآني
وياما بدموعو غسل وجو و مناديلو!
مسكين ، هدو الهوى و الظهر حاني
و عكاز بدو ، لحتى بمشيتو تشيلو

عرفتو اسير ، بهمومو كتير اضناني
و الوضع صعب ابتدا عقلي بتحاليلو
شفقت و قانون الوفا ، بايثار خلاني
عرفت وضحه النصيري من تقاويلو

علينا دخلت بصلح قلنا :الصلح باني
لكن (بقلبك هوى !) و لعبت زغاليلو
قلت القادود الحكم ، قلنا: العدل داني
القادود قاضي الصلح، مقبول تعليلو

شكيت عندك مخطط !!، قلبك معاني
بحيله وبو صفره انا عارف أضاليلو
حب وضحه ،و بحيلة هجرس الفاني
سري كتمتو ، و لقاضينا ما بشكيلو

للسيف وحدو احتكمت، بساح ميداني
جهِّز جيوش التحدي وللوغى احكيلو
وضحه بعيوني وغطاها عملت أجفاني
وكرمال وضحه حصاني زاد تصهيلو

للحرب نحنا ،و ميدان الحرب عنواني
و مع كل كرة حجل ، قلبي بيغنيلو
و شفار سيفي لدماء الخصم عطشاني
يا ويل ويلك ( اذا ) بتحرك مقابيلو

 

 

 

المصدر: دنيا الرأي
abubder

قالوا سكت وقد خوصمت قلت لهم ..... إن الجواب لباب الشر مفتـــــــــــاح والصمت عن جاهل أو أحمق شرف ..... وفيه أيضا لصون العرض إصلاح أما ترى الأسد تخشى وهي صامتة ..... والكلب يخشى لعمري وهو نبـــــاح

  • Currently 16/5 Stars.
  • 1 2 3 4 5
6 تصويتات / 159 مشاهدة
نشرت فى 30 إبريل 2011 بواسطة abubder

ساحة النقاش

الشاعر : يونس ابوصفره

abubder
الى كـل مـن احـب الكلمـه الصادقـه والتعـبير الـطيب عـن الامـور الطيبـه اليكـم جميعـاً أسس هـذا الموقـع »

ابحث

تسجيل الدخول

عدد زيارات الموقع

48,619