محدش فاهم حاجه
انتخب رئيس واحد وخد التانى هديه مجانيه
كتب : ابو خضر الهوارى
انتخابات رئاسيه حره و نزيهه يحكى العالم اجمع عنها حدثت لاول مره فى تاريخ مصر , ولانها بعد ثوره فكانت نتيجتها شديده ومؤثره حتى انها اتت بتنين بثمن واحد ويبدو انها هديه الديمقراطيه التى اصبت مصر فى الاوانه الاخيره , لانها جعلت من المرشحين المتنافسين يتصلحا معا بان اصبح كلا منهم رئيسا للجمهوريه الاولى لمده 12 ساعه فمرسى من 6مساءا حتى 6صباحا علشان يصلى بالشعب الفجر و شفيق من 7 صباحا حتى 5 مساءا علشان يحرس البلد ويرجع الامن براحته , وهذا ما جعل الاثنين يحتفلوا برئاستهم لمصر وبدائها مرسى حيث اعلن فى الساعه 4 من صباح اليوم التالى للانتخابات بان ظهر فى التليفزيونات العربيه والدوليه وهو يلقى اولى كلمات نجاحه فاتبعه شفيق وذبح عجلين فى فيلاته ووزع لحملهم على انصاره , الا ان الاخ المرسى لم يسكت هو الاخر فقرر ان ينزل لميدان التحرير و يحلف اليمين الرئاسى هناك وهو يقول "عليه الطلاق لحكمكم بنتيجه او غير نتيجه " , الا ان هذا لم يرضى شفيق فاصدار بيانا هو الاخر يحذر فيه الجميع بانه سوف يطعن على جميع النتائج ولن يكون هناك رئيس غيره " واللى مش ها يسمع الكلام من الحرميه مش هاينام" وهذا ما اثار حفيظه مرسى واخذ يرد عليه بان ارسل الى الميدان طبل بلدى ومزمار وانصاره لكى يحتفلوا بالنصر فى موقعه الصناديق الرئاسيه , بس سؤال صغير هو الطبل والزمر مش حرام ولا حرام على ناس وحلال ليكم انتو , معليش ده استفسار صغير, المهم استمرو فى السير حتى وصلوا الى مجلس الشعب واخذو يهتفوا هناك
" مرسى يا مرسى انت الريس والا مش هايحصل لكم كويس" , وانا بصراحه فضلت قاعد امام التليفزيون اشوف اللى بيحصل وكانه متش بينج بونج , المهم وانا قاعد كده انى افهم مين اللى كسب مش عارف طيب بلاش مين اللى كسب طيب مين اللى خسر بردو مش عارف المهم فضلت قاعد لحد ماشوف حد كبير فى البلد دى يفهمنى علشان انا مش فاهم حاجه خالص جداااا.
