ليه يا مصر كرهتبنى *****

ليه يا مصر كرهتينى
وانا لونى اسمر طينى

خلاص يا حبيبتى سبتينى
وانتى حبك على عينى

حطيت دموعى على انينى
عزفولى غنوة تبكينى

خلاص نسيتى طعم الضحكة
وقعدة عصارى على الدكة

رجعت صياد من غير شبكة
لبيوت كان فيها البركة

عريس وجايب الشبكة
ونزلت مدينة الافراح

اشبك صبية ناسها ملاح
لقيتنى فى مدينة اشباح

عدى عليها قطر الخراب
فاضى مفهوش ركاب

صفارتو بصوت الغراب
الى بيرجع بعد الخراب

جمع اخواته وطار

يلمو من شفيفك البسمة
خدو النهار وسابو العتمة

بكره فجرك راح يطلع
تبقى الدموع ملهاش مطلع

وامشى فى شوارعك واتمخطر
ولونك بلون اخضر

وارسم شفيفك بالاحمر
وترجعى مصر الازهر

وعطرك مسك وعنبر
وترجعى مصر حبيبتى

تحياتى صالح الابنودى