قتلونى ليــــــــــه؟ بقلم الاستاذ عبده حامد

نشرت بواسطة: هيام عبيد في شعر 6 أغسطس,2014 0 عدد المشاهدات : 1

قتلونى ليــــــــــه؟
—————–
قتلونى ليه
حرمان عليك ياوطن
ولد شجاع ؟
عايزين حياتى ياوطن
فى الكون ضياع
طب قوللى إيه ذنب البيوت
وقوللى إيه ذنب الشجر؟
ولا هما بس بيكرهوا لون الحجر
فاكرينه أكبر قنبله
بيخافوا موت
وكأنها دانه بتنفجر فوق راس تابوت
وبيهربوا جوه البيوت
كإنهم ذباب أو عنكبوت
أما أنا
لو اشوف صاروخهم ف السما
أنا عمرى م اهرب لو هااموت
أنا عمرى مااهرب لو هااموت
قتلونى ليه؟
علشان زرعت الأرض تين
طب قول لى مين؟
يزرع بدالى شجر زتون
لو مت مره ياوطن
انا ألف مره هااتوجد
فى قلب يافا وف جنين
أنا مش هااموت
ولا عمر دمى يروح هدر
لازم اعيش
واحمى بلادى م الغجر
وان مت برضك ياوطن
هتلاقى طفل بيتولد
وف كل يوم
هتلاقى ف ايده بدل الحجر
مليون حجر

------------

كتبت فى إبان الإعتداء الصهيونى الغاشم على فلسطين