قصيدة بعنوان......... سوق السلع

سوق السلع غالى 
وشبعت م التلطيش
جيت أشترى قوتى
الخضرى مرحمنيش
ما أخدتش منه حاجه
من ذوقة ماطردنيش
والفوكهى قالى يحنن
ع الفرشه ماتعديش
طلبك خلصان من بدرى
هوينا وماتفتيش
وبتاع اللحمة رافع
وأنا حقى تملى ضايع
ومهيتى متقضيش
والحوجه صعبة ومرة
وكأنى بقيت فى غربة
وعيالى عايزه تعيش
شفولكوا حل معايا
زهقت م التطنيش
ل إما أشق هدومى
ل أسرق لى بنك وأعيش
فى ناس وخداها قوة
شبعانة م التهبيش
وأنا بتقطع من جوه
والعدل مانصفنيش

كلمات الشاعر محمد ثروت عبد الحفيظ