قصيدة باللغة المحكية
صرخة حب
صرخت بحبك
جاوبتني الريح
خفيت نغمة حنونة
بتشبه الصلا
صرخت بحبك
ضجت الأيام
وشوشت الإحساس
قالت عالهدا
سهر ودموع
فجر عم يطلع
يكسر ضلوع
قلب يتلوع
وأنت مش أنت
أنت عم بتدور
بمروج الهوى
تلملم من تم الزهور
نجمات السما
جربت يا رب
أنسى الشعور
فرفط الأحلام
جربت وقف نبض الحب
أزرع بقلبي سلام
حيرة وضياع
سفينة بلا شراع
فكر عم يسكر
عمر بالحب ضاع
وأنت مش أنت
أنت عم بتدور
ع طرقات منسية
متل شي مسحور
بعمرو ما اهتدى
فرحت بحلوّ الكلام
نسيت المضمون والمعاني
خفت من الأيام
تفضح الأسرار
تكشف عن أماني
سحر عم يغيب
شعر عم يشيب
خمر عم يعتق
يفتش عن حبيب
وأنت مش أنت
أنت عم بتدور
متل شي عصفور
معشعش بوتد القلب
بنار عشقو اكتوى
سكتت الصرخات
عم السكون
صارت أناشيد الغرام
منسية بصحرا الوجود
صار الليل عتمة
لا سحر لا شعر
لا قمر لا نجوم
نسي رب الكون
ع الارض فيها يجود
وين الربيع
وين ورود الحمر
وين العصفور
بعدو عم يدور
محلق بالفضا
عاشق المدى
ما سمع من صرخات الحب
إلا الصدى
بقلمي
أميرة الشعر العربي
سفيرة السلام والثقافة العربية
د. ساميا موسى عقيقي
