هيسخطوك يا قرد بقلم الشاعر محمد حسانين

هيسخطوك يا قرد

هيسخطوك يا قرد
ويحرموك من منصبك
زعيم قرود على كوكبك
زعيم قرود على كوكبك

هيسخطوك يا قرد
هُس إمنع كلام
تعظيم سلام كله تمام
كداب جبان يخيبك
كداب جبان يخيبك

هيسخطوك يا قرد
إمنع خبر إنشر خبر
لزوم المرتب المعتبر
بيع القضية بالفلوس
تعبتنا الله يتعبك
تعبتنا الله يتعبك

هيسخطوك يا قرد
بيع القضية فى كلمتين
دول شلوتين على قلمين
وكأن ما حد هددك
وكأن ما حد هددك

هيسخطوك يا قرد
بعد الغلا الكل إشترى
الزاد م اليوم ده بالكوى
اللهم فرج محنتك
اللهم فرج محنتك

هيسخطوك يا قرد
تلاتين سنة ظلم إفترى
والجاى أسود م الى راح
بتجرم علينا النواح
قادر يخرب بيت حضرتك
قادر يخرب بيت حضرتك

هيسخطوك يا قرد
صهين وطنش ع الحقيقة
أصل القلوب مش بريئة
باعت الحلم فى دقيقة
وإنت واقف مطرحك
ماسك أوى على زمتك
ماسك أوى على زمتك

هيسخطوك يا قرد
ضحك القرد على حضرتك
من سنين هجر القفص
وأهو سابه لحضرتك
أهو سابه لحضرتك

هيسخطوك يا قرد
أسير ذليل فى سجن كبير
لا ليه جدران ولا ليه قضبان
إنطق وقولها فى الميدان
الكلمة مش هتموتك
الصمت بكرة يموتك
الصمت بكرة يموتك

هيسخطوك يا قرد
محمد حسانين