رسيني علي بر معاك
شاعر الغلابه
ايمن البلاط
انت حبيبي لا نصيبي
ولا الهوا عليا رماك
انت بايعني ولا شاريني
ولا ممشيني علي هواك
عايز ارسي معاك علي بر
ياساقيني كاسات المر
وممشيني في طريق اشواك
امشي عليها واقول كمان
يمكن يرجع زي زمان
اتاري طريقك كله هلاك
كل مقرب منك حبه
واقول بكره يسقيني محبه
احلم وانا عايش وياك
يجيني طيفك في منامي
يشغلني ويطير نومي
واقعد للصبح استناك
يفوت يوم واتنين وتلاته
وقلبي يذيد نبضاته
وانت بتذيد في جفاك
انت حبيبي ولا نصيبي
ولا الهوا عليا رماك
انت بايعني ولا شاريني
ولا ممشيني علي هواك
اوعي في يوم
بحبك تعايرني
ولا في كلامي
معاك تجادلني
اكتر من كده
مش هترجاك
الحب معاك اتعلمته
وكل العذاب وياك شوفته
وقلبي بردو بيتمناك
انت ليه قلبك قاسي
وللجميل دايما ناسي
ماكتير كتيراتحملتك
وجوا عيوني يا ما شيلتك
وانت بتذيد في اساك
يا ما كنت احلم وانا صاحي
انك دوايا لكل جراحي
وكل الهموم تزيل بلقاك
كتبت فيك كل اشعاري
وعزفتها علي اوتاري
يمكن في يوم انول رضاك
الحبر جف من قلمي
كتر العذاب بيزيد المي
سبحان من خلقك اشواك
انت حبيبى ولا نصيبى
ولا الهوا عليا رماك
انت بايعنى ولا شارينى
ولا ممشيني على هواك
شاعر الغلابه
ايمن البلاط