(مجلة كل الخواطر) بعد اية -----------بقلم الشاعر \محمد كشك

بعد ايه 
♡♡♡♡
اعمل ايه دلوقتى معاك
فكرك ارجع تانى هناك
جنب الشجره بتاعنا زمان
كان مرسوم سهم بحرفين
اسمى واسمك كانوا اتنين
قطعوا الشجره مع الاسمين
واللى فاضلى يادوب اطلال
شفت بعادك واللى انا فيه
اوعى تقول وانا ذنبي انا ايه
بعد ما كنا احب اتنين
والقمرايه فى عز الليل 
غنت قالت لحن جميل 
ليه قلتلى بعدين بعدين
لما سألت رايح فين
كان الهجر باين فى عنيك
وانك بايع دمع العين
كنت انا حاسه انك هتفارق
لكن مش عارفه ايه اللى انا فيه
ليه ترسملى قلب جميل
وبتحلفلى هتفضل ليه 
ليه تركبنى بساط الريح
وتخلينى لبكره جريح
ابد.. ابدا .... مش هرجعلك
اصل الهجر .... ده بقى من طبعك
جاى لإيه ورايح فين
نفسي اعرف 
دلوقتى انا ايه
كرامه رخيصه 
دى قيمتى انا عندك 
ولا عشان من ضعفى بحبك
تقسي عليا وتلعب بيا 
تقوم وتفوتنى 
لانك عارف 
روحى بيدك
لا مش هارجع
ولا هاتشوفنى تانى بدمع 
ودا مش حكمى
ده حكم قمر كان دايما جنبي 
معاه الليل كانوا هما حبايبى
ودمع العين كان يحرق خدى 
ايوه مش هارجع
قلبى خلاص مش حابب قربك
كنت اتمنى انسي ملامحك
واما الذكرى تجينى انا بحزن
واسال نفسي
واكره ضعفى
على ايام ضاعت من عمرى
كان فين عقلى 
لما انا شوفتك خاين عهدى
والايام بتمر عليا 
ولا فكرت تسأل فيا
ابدا ... ابدا مش هرجعلك 
اصل الهجر تملى فى طبعك 
♡♡♡♡♡♡♡♡
بقلمى 
محمد كشك