(مجلة كل الخواطر) اسف يا امى ---------------- بقلم الشاعر \رضا حسب النبى

آسف ياأمى
لسه فاكرة اخر حديث دار بينى وبينك
وقولتلى فاضل يومين وأخلص الجيش وأجيلك
وأبقى جنبك ياأمى وفى نن عنيه أشيلك
وقولتيلى نفسى أشوفك عريس
وأبنك أشيلوة زى ماكنت زمان بشيلك
فعلا ياأمى بقيت عريس وفى الجنة عايش
كان نفسى ياأمى عمرى ماأسيبك
ودى كانت أخر ذكرى ليا فى حياتى
عاوزك تفتكرينى ديما بعد مماتى
وأفتكرى معاها ضحكتى وألآمى وآهاتى
أنا هنا فى الجنه عايش ولسه حى
ومستنى صاحبى وأخويا اللى لسه جاى
أوعى تبكى ياأمى لما تشوفى البيادة
وأدعيلى بالرحمة وأدعيلى كمان زيادة
وخلى بالك من أخواتى وبالذات الواد حمادة
وأختى هنيه دا أنا كنت بحبها بزيادة
وسلمولى على أبويا لما يجى من دار العبادة
وأوعوو تشربو القهوه عليا سادة
وأشربوها ديما بسكر زيادة
أبنك المخلص ...رضا حسب النبى
رضا حسب النبى
17/10/2016