أم الشهيد
الدموع اتحجرت
فى عين أم الشهيد
والقلب انجرح
يغياب الحبيب
مش عارفه
تقول ايه للحفيد
اللى ذرف الدمع
وبيسأل أبويا فين ؟ 
هو غاب ليه ؟
هيجى أمتى ؟
وهيجيب لى معاه ايه ؟
أبوياغاب قوى واتأخر علينا
أبويا فين يا نينه ؟
أبوك فى السما
عند ربنا شهيد
سأل الحفيد :
يعنى أيه شهيد ؟
وقف الكلام
ومش عارفه تقول له ايه
يعنى راجل وابن راجل
ضحى بروحه عشان نعيش 
ضحى بدمه لأجل الوليد
مايعيش سعيد
ياأم الشهيد
ابكى على ضى العين
اللى دمه
فى رقبة الندل الجبان
ابكى على اللى روحه
هايمه فى السما
بين ايدين الرحمن
الملايكه حواليه
تزفه لحور العين
يا أم الشهيد افرحى
هيخدك معاه
ويقربك من العدنان
أما الندل الجبان
اللى قتل وخان
وقبض ثمن الإجرلم
اللى سفك دم
حرمته الأديان
يا ويله من الديان
يا أم الشهيد
منى قلبك بيوم اللقا
وأكيد هتكونى معاه
فى جنة الرحمن
بقلم:محمد حجاج