(مجلة كل الخواطر) الخاص مغلق --------بقلم الشاعر \رضا حسب النبى

***** الخاص مغلق *****
أيوا صحيح الخاص مغلق
بس ليك انت لا ياحبيبى
دا أنتا قدرى ونصيبى
كل يوم ببقى نفسى أتكلم معاك
ببقى مخنوقه ونفسى أتنفس هواك
أناكلى ملكك وروحى كمان فداك
كل ليله بشتاقلك وبستناك
ياللى فى أحلامى بشوفك
وتملى اناجي طيفك
وبقلمى أنقشلك حروفك
ضمنى وخدنى فى حضنك
وتعالى أهمس فى ودنك
أوعى غيرى فى يوم يحبك
دا أنا بتمنى قربك
ما انت ليا كل حاجه حلوة فى الحياة
وأنت عطر الزهر اللى بشم هواة
وأنت ضى القمر اللى فى الضلمه منور
وكمان غروب الشمس لما يتصور
وأنت حبيب العمر اللى كل ليله عليه بدور
وانت الوحيد فى الدنيا بس اللى ليا
أيوا انت حبيبى وخاص بيا
عفوا الخاص مغلق
رضا حسب النبى
13/10/2016