بسم الله الرحمن الرحيم
لو تظلميني .... !
إلي مجهولة الاسم والعنوان
كلمات / أحمد عبد اللطيف النجار 
شاعر أم الدنيا الجديدة
لو تظلميني ...
مش ها أظلمك ..
لو تألميني ...
مش ها أألمك ..
لو تعرفي ...
شوقي الحقيقي ..
لو تعرفي ...
يأسي وضيقي ...
كان صبر ...
قلبي يعلّمك ..
بختي أنا ...
وياكي راح ...
قلبي بكى ...
حرقة وجراح ..
وقام بلهفة يضمني ...
يقول لي ...
ليه ضيعتني ..؟!
ويا حبيبك ...
سيبتني ...
أبكي شجن ...
أبكي أنين ...
أنا عشت عمري..
في الحنين ..
شوفت الحبايب ...
مجروحين ...
يتعذبوا مع بعضهم ..
مع إنهم ...
طول عمرهم ...
عاشوا حياتهم ..
في الهيام ...
آه من الهيام ...
دي نظرة حلوة ...
وابتسام ...
قطرة ندي ...
تحيي الغرام ..
زهرة تفتّح بالعبير..
والانسجام ....
وليه حبيبك ...
غدره بان ...؟!
ليه يظلمك ...
وأنت تقابله ...
بالموّدة والحنان ؟!
نفسي أعرف ...
نفسي أفهم ...
اللي ظلم ....
ليه بس خان ؟!
ازاي يهون ...
حبه عليه ..؟!
وفي حبيبه ...
باع وخان ...
قلبي خاصمني ...
قال لي ...لا ..
أنا عشت ...
مخدوع الحياة ...
علشان خضوعك ..
كسر إحساسك...
وتاه ..!
لازم تعّبر ....
لازم تقول ...
أو تعترض ...
حتى بآه ...
يمكن يحسّ ...
بظلمه ليك ..
يمكن يحنّ ...
بشوق إليك ...
ولو لاحظت ...
إنه عنيد ...
ظلمه ليك ...
عمّال يزيد ...
لازم تروح ...
عنه بعيد ...
تنسي شكله ...
ومنظره ...
ولو قابلته يوم ..
في شارع ...
بلاش تروح ...
وتعبّره ...
أصل اللي ظلمك
يا قلبي حرمك ..
انك تعيش ..
حابب حياتك ..
والدنيا ترحّب ...
بذاتك ..
أنت ذاتك ...
ها تحسّ..
باليأس ومرارته ...
قلبك المظلوم ....
يقاسي ...
يرتفع ضغطه ...
وحرارته ...
علي إيه دا كله ؟!!
الحب لو كان ...
بالشكل ده ..
مش يبقي حب ..
يبقي خضوع ومذلة ..!
قلبي اتوجع ...
من صوت بُكايا ...
قال لي ...
يا روحي كفاية ...
اللي ظلم ...
ليه برضو يوم ...
لكن مؤكد وأكيد..
بكرة يكون ..
عِبرة وآية ..!
بكرة يكون ..
عِبرة وآية ..!
بكرة يكون ..
عِبرة وآية ..!!!
أحمد عبد اللطيف النجار 
شاعر أم الدنيا الحزينة