(مجلة كل الخواطر) شوك بلا ورد ----------- بقلم الشاعر\ محمود شعراوي

شوك بلا ورد
بقلم : محمود شعراوي
لما تكون بتحب بجد
حب مايخطر علي بال حد
وانت العاقل والمجنون
مبتعرفش تبيع وتخون
تصحي تلاقي الجرح ف قلبك
والدمعات نازلين ع الخد
تبقي خلاص مش واثق أبدا
ف الإنسان
تلقي خلاص مبقاش ف الدنيا
أي أمان
حبك . قلبك . فرحك . ألمك
وكرامتك كله بيتهان
حتكون متناقض مع نفسك
وتقول حلم
تلقي الحلم حقيقي قصادك
جد الجد
وانت لوحدك خدت طريق
مختار تمشيه
مش عارف أوله من آخره
و تايه فيه
إسمك . صورتك . سيرتك . طيبتك
ومصمم كل ده ترميه
حتكون متناقض مع نفسك
وتقول حلم
تلقي الحلم حقيقي قصادك
جد الجد
تبدأ من أول وجديد
بس مفيش ف حياتك عيد
والجنه بقت شوك بلا ورد