الارض نادت علينا
ااااااااااااا
الارض نادت علينا
واحنا لبينا
جمعنا كل الحشود
وف لحظة عدينا
وعبرنا سنين الخوف
ع الشط حطينا
حطمنا جيش العدو
كبرنا وسمينا
حطمنا خطوط بارليف
ف لحظة بادينا
ساعتها كنا صايمين
نوينا وصلينا
وحضنا ارضك ياسينا
وفاضت م البكا عنينا
ااااااااااااااا
سنين طويلة عدت
عمري محنساها
ومصر رفعت رايتها
وربي علاها
بعد السنين العجاف
عبرت وربنا حماها
عدت علينا سنين انا
عمري مانساها
وازاي حننسي السنين
واللحظة اللي عشناها
دي مصر عظيمة بولادها
مصر يامحلاها
ااااااااااااااااا
الارض نادت علينا
قبل العبور بساعات
صرخت وقالت غيتوني
ده الوقت عدا وفات
جهزنا روحنا وصلينا وعدينا
قبل الفطار بساعات
ده المصري مهما حصل
ف الشدة له وقفات
اااااااااااااخ
ساعة العبور جت الاشارة
وف لحظة لبينا
دمرنا كل السواتر سفيناهم
المر بايدينا
وهربوا زي الفيران والنصر
كان لينا
وكتبنا على رمل سينا بدمنا
احلى حكاوينا
ااااااااااااااا
جبريل رضوان