البحر ومواويله
ابعد عن البحر وغنيله
واوعى تاخدك مواويله
واوعى تسمع زماميرة
وابعد عن ضى قناديله
وان وقفت على شطه
انسى شطه التانى وزغاليله
يا اللى بعت الأرض والدار
وطمعت ف كام دولار
وركبت ابنك البحر الغدار
مش بإيدك تختار
هو رايح الجنه ولا النار
يا اللى هان عليك ضناك
وبعت اللى وراك
ورميته بإيدك للهلاك 
يااللى الطمع ملا قلبك
أهه قلبك عليه انفطر
خليته يترك الديار 
ويترك الخل والجار
ياأعمى القلب والنظر
مافكرت أن ابنك
هيبقى ف خطر
وركبته مراكب الدمار
قتلت ابنك وجبت
لنفسك العار
وحملت غيرك الأوزار
يااللى بتفكر تهاجر
خد من غيرك العبر
وابعد عن الخطر
وإيدك ف إيدى 
يزيد الخير 
ويعم كل البشر
بقلم:محمد حجاج