أنا بكتب كما المجري
كلام بينام على حجري
ويسهر حرفي ويايا
وبرسم ف الظلام بدري
واغازل بالكلام فجري...!!
كتاباتى بلون قمحي
بشوف الآهه ف ملامحي
واغازل بالأمل طيفي 
وبغزل بالأمان صبحي
أنا العاشق وانا المعشوق
وانا بالماضي مش مخنوق 
ولا ضيي يخاصمني 
ولا عمري ببص لفوق
وانا اللي بيغازلني الشوق 
وبنده للهوى يجري....!!
كتابتي هيا عنواني
ساعات تبكي على شاني 
ساعات بكتب عشان ارتاح 
تكون هيا اللي مانعاني 
يا عمري ليه تخون عمري؟!
ويا عيوني كوني سحري..!!
لا انا ناشف ولا مبلول
ولا بكتب كلام منقول
أنا أصلي قد... القول
وبعصر في الكلام فكري...!!
إبراهيم بدر عبدالله