جارى التحميل
استخدم زر ESC أو رجوع للعودة
::::::_____الجيزه_____::::::
هيلا زحف وهبه شد
وافرد رمل ورش الميه
جزوع النخل هات مد
وجريده عجلة عربيه
تقيل الجر شوية صبر
حمل هيلا الحجر اترص
ومر العصر ورا العصر
حاجه اتحير لما تبص
خوفو خفرع منقرع
وابو الهول القول وياه
رمز القوه المصري برع
قفز ارتفع القلب معاه
ادخل مد تعالى وقرب
اتجهات الهرم الاصل
شمال جنوب شرق غرب
يلا اتعلم وافتح فصل
فلوكه تغني يضحك نيلها
وليلها حكايه يحلى سمرها
وظيطه زكرى القلب يشلها
ويبروزها ضي قمرها
وامشي ولف حواري بيوتها
يمرض حوده يجري مرعي
ناس روجوله ازاى افوتها
فرح جاري يسبق فرحي
بقلم مصطفى احمد
تحيه لكل اهل الجيزه
