(مجلة كل الخواطر) مستنى اية------بقلم الشاعر \طه ابراهيم

مستني إيه
@@@@@@
اللي باعك ياللا بيعه
اللي منعك من جميعه
واللي حرمك من ربيعه
واللي عمره ما صان موده
حتي سرك كان يزيعه
هو نارك .............
وانت عاشق نار لهيبه
هو قدرك .............
وانت خايف من وجيعه
أي عاشق ............
لو مكانك كان يسيبه
كل همك لو هيمشي
من يقبله ومن يجيبه
اللي عابك الف مره
وانت مش قادر تعيبه
يااااااه ..............
حب اعمي وقلب اعمي
فيه حبيب يظلم حبيبه
نفسي اعرف ليه شريه
كل أملك تبقي ليه
و لاّ قلبك مش لائيه
مش هتقدر إلا بيه
هو سجنك وانت فيه
وهو قدرك كان عليه
و لاّ خايف من عينيه
و لاّ روحك بين إيداه
قولي أمتي هتعاديه
مستني .. ..... إيه
مستي .... .... ليه
مستني اللي خانك
واللي ارسك من ودانك
واللي .... خدعك
واللي ....... منعك 
واللي كره فيك جيرانك
واللي حرض كل أهلك
حتي عمك حتي خالك
واللي هلّس ........
واللي دلّس .........
واللي زود من جنانك
واللي زايد ...........
واللي حايد ..........
واللي حاول يلغي اسمك
واللي حاول يلغي شكلك
واللي حرمك من مكانك
واللي حطّم ........
واللي قطّم .......
واللي قالك راح زمانك
واللي لخبط ..........
واللي شخبط ...... .
واللي موت فيك أمالك
واللي جرحك .........
واللي ذبحك ..........
واللي كسّر لك سنانك
واللي ظلمك .........
واللي خذلك .........
واللي حرمك من حنانك
واللي غلّس .........
واللي دلّس ..........
واللي وسط الشده هانك
واللي داهن ..........
واللي راهن ..........
واللي شوه من جمالك
واللي عطّل ..........
واللي بطّل ..........
واللي أهدر كل مالك
واللي هرّج ........
واللي مرّج ........ 
واللى قالك إنت مالك
مستني............... ايه
مستني ............. ليه
@@@@@@
بقلم / طه ابراهيم