جارى التحميل
استخدم زر ESC أو رجوع للعودة
اللى غارقين فى الحرام
********************
من غير سلام من غير كلام وبإيه يفيد الغدارين كتر الملام
اللى باعوا حزننا واللى فرحوا بدمنا واللى طالقين اللجام
لبسوا توب الإبتسام خانوا دارنا وعرضنا كانوا غارقين ف الحرام
اللى عاشوا يحرقوا برج السلام اللى عاشوا ويا إبليس الهٌمام
اللى كان عامل شريف واللى كان شكله عفيف واللى كان عامل إمام
اللى شاف العتمة نور واللى عاش وسط الجحور واللى كان عارف ينام
لايق عليه توب البرئ من بين إيدية شب الحريق
هد الجسور وسط الطريق وألف مين يصبح غريق
وإضحك على شكله الرقيق وسط الزحام بيقول صديق
نفس كدب ونفس غش ف كل دار نفس دقات السمار
نفس الوشوش نفس النعوش لما تشتاق للدمار
نفس الحصار نفس المرار بعد مايموتوا الصغار
جوه القلوب نفس الكلام من غير سلام
للى باعوا أرضهم واللى غارقين ف الحرام
محمد سالم
