جارى التحميل
استخدم زر ESC أو رجوع للعودة
ألبوم الصور
***********
رحله فى ألبوم الصور تلقى الوشوش فيها العبر
ويا الطفولة والشباب تحتار فى تكوين البشر
لما السنين هانت عليك فاتت ولا لمح البصر
وتدارى خدك بالدموع لحظة وجع لحظة خضوع
لحظه فيها الذكريات تهمس سكات ومفيش رجوع
لحظة تنسف كل حلم لحظة تهزم فيك خشوع
تحسب سنين عمرك عدم ويبان عليك غدر الزمن
وتخاف من الموت البطئ وتشوف لمين تدفع تمن
تمن الضمير اللى إختفى واللى إتنفى واللى إندفن
تبدأ شموعك تنطفى وتحس إنك شئ وحيد
تلقى خيوط الخوف تزيد ولابسه فيك توبها العنيد
وسط ألبوم الصور تلقى العبر للى قلبه طوق حديد
رحمه لكل اللى إعتبر واللى إفتكر ظلم العبيد
اللى عاشوا فى الحياه وسط بركانها الشديد
اللى كانوا يصرخوا يلقوا السراب واقف بعيد
محمد سالم
