جارى التحميل
استخدم زر ESC أو رجوع للعودة
إنسي الدنيا
***********
ربك هيعدّلها ربك هيسوّيها
ارمي حمولك علي مولاك
خطاويك مكتوبه هتمشيها
بكره الحظ هتضحكلك
وتعود الميه لمجاريها
صدقني لو قلت انا متفائل
بالفرحه وحاسس معانيها
والدنيا إن وقعت من إيدك
بالصبر يا سيدي هتبنيها
والليل لو طول ويانا
الصبح هيجي يحلّيها
والفرحة هترقص قدامك
والبسمه الحلوه نحيّها
صدقني الدنيا متستاهل
دمعه من عينك تبكيها
كم واحد من قبلك حاول
وبكل شطاره وقع فيها
غدّاره الدنيا ما تتأمن
مسكين اللي يسلم ليها
سلمّها لربك واتوّكل
وانسي الدنيا وبلاويها
********
بقلم / طه إبراهيم
