جارى التحميل
استخدم زر ESC أو رجوع للعودة
أغنية طفل (جواب لبابا)
أنا بتعلم عربى وبذاكر حساب
علشان أعرف أحسب و أقرا أى كتاب
وبابا وهو مسافر أعرف أكتبله جواب
حاكتبله وأقوله يا بابا وحشتنا
أنا وأختى سوسو وماما... وكلنا
امتى تيجى الأجازه عشان ترجعلنا
استنى لما أقولك سيبنى أحسبها نا
من خمس شهـور سافرت من هنا
وعدد الشهور اتنــاشر فى السنة
وأجازتك شهرين تقضيهم عندنا
كده باقى خمس شهور تبعدهم عننا!
وعشان يا بابا تعرف إنى تلميذة نشيطة
جبت كتاب الجغرافيا وشفت على الخريطة
فين البحر الأحمر .. والموانى المحيطة
و (جدة ) اللى أنت فيها.. لقيتها عملت زيــطة
ووريت الخريطة ...لاصحابى ول تيتة
____________________________
د.. عبدالله منصور ___قلين فى يناير 1992
