مجلة كل الخواطر:: نـصـيـبـنــا :: بقلم المبدع الراقي أ / صلاح الصغير

نصيبنا
-------
كل شويه سؤال فى حوار
إيه ياحبيبه أخر الأخبار
ليه الناس شاغيلها أحوالى
ليه بيخلوا البال يحتار
بيقولولى جايلك إمتى
قولت أنا مين اللى جاى
والسؤال ده كل فتره
مين وإمتى وليه وإزاى
ناس بتخلى العيشه مرار
وبتدخل فى الأسرار
يعنى لما هيجى الخفه
راح يلبس له طقية الأخفه
أشرح لهم كل كلامى
ولا إحساس ولافى كسفه
ناس عايزلها طبل وزار
وكلامهم كيف المسمار
لما هيجى يجيينا بدينه
من غير دينه ماحنش عاوزينه
حتى لو ساكن فى قصور
عمر فلوسه أبدا ماتزينه
والمولى قدر الأقدار
مين لنصيبه ياناس أختار
صابره وراضيه بالمقسوم ليا
وربنا إن شاء الله يسعد عنيا
ويكرمنى مايحرمنى بأحلى حاجه
تفرحنى وتسعدنى وأكون متهنيه
ونكمل مع بعض المشوار
حب ولعب وجد وهزار
بس كفايه وأدى أخر تها
كلمه تانيه مش راح أعيدها
ونصيحه خليكوا ف حالكوا
وماعنديش حاجه أزيدها
وربنااللى بيسترنا الستار
صاحب الشمس ف قلب نهار
بقلمى صلاح الصغير