ارتجالات بلاش تعرف
بلاش تعرف ولا تهتم
عيش الدنيا يا شيخ بلا هم 
بلاش تعرف بلا حرقة دم 
جار مرضان فى البيت بلا غم
بلاش تعرف بلا أخ بلا عم
خلى مزاجك على طول ترلم 
بلاش تعرف ان كنت تعيش
تخلى ايامك على طول تناتيش
بلاش تعرف عمرك ما تكون
شهم وراجل وهيسموك الدون
بلاش احسن تعرف 
الله يخليك
ممكن تندم عمرك 
ربنا يهديك
بص لحالك تكسب 
ولا تحربشى من حواليك
عامل نفسك تعلب
راح تتعلق من رجيلك
إن كنت فى يوم تستعبط
علقة عمرك راح تعميك
بلاش احسن تعرف 
إن كنت متعرفش
أو يوم تقدر تستنصح
وتأخذها على طول قفش
وإذا عدت فى يوم تحلف
قتلت الغول وقتلت الوحش
خدها نصيحة إن كنت بتعرف 
ما تتكلمش
بلاش تعرف أنا رحت أنا فين
بلاش تعرف لو ضيعت الحنين
بلاش اعرف فى حبك كنت ضنين 
بلاش اعرف بغشك أيام السنين
بلاش تعرف بحبك بقيت مجنون 
بلاش تعرف عمرك ما كنت تهون
بلاش اعرف بكره ايه هتكون 
بلاش اعرف عمرك ما كنت حنون 
بلاش نعرف حب كان كله ظنون
سمير لطفى على