جارى التحميل
استخدم زر ESC أو رجوع للعودة
الود ودي أتحرم من حبك
وارحل بعيد في بلاد غريبه
لا تعاتبني ولا كمان اعاتبك
لغاية ما اقابل غيرك حبيبه
عمرنا ما اتفقنا دايما مختلفين
لغاية ما أتفرقنا علي طريقين
وكان من الصعب حد يعـــرفنا
أو حد فينا يراعي عواطــــفنا
كانت الضحكه علي شفايفنا
مرسومة بريشة جراحنا
أتكتب علينا الفراق
والحيرة والأشـــواق
و مشاكلنا علي ملامحنا
بنتظاهر بوشوش زايفه
وقلوب نارها قايده
ولا مره قالت لي خايفه
عايزه تعيش واخده
كل حاجه ولا تتنازل
ولا يكون الرأي بنا متبادل
كل حياتها معايا مستبده
فضلت اشد مره ومره احايل
كأن اللي بنا مفيش مودة
وفي كل مره تزيد المشاكل
وهي بتكابر وتزيد حده
قلت خلاص تروح لحالها
ما يفرقش معايا جمالها
ومش كل مره احايلها
وتعاند بكبرياء وتحدي
لغاية ما الصبر ذهق مني
في وسط الطريق سبني
لقيت نفسي لوحدي
لا حد بيصبرني ويسمعني
ولا حد راضي بعمايلها
هو ده نصيبي ووعدي
وأرحل لبلاد تتمناني
فيها قلوب تهــــواني
واللي فات كله انساه
واحلي حاجه في الحياه
البساتين تملا الدنيا ورود
وتحس إنك للحب مولود
وتلقا قلب اتخلق عشانك
روحه بتســري في كيانك
وواحه الحب مالهاش حدود
