.....(ماانتهيتي).......
لسه فى الحرالشديد
تنزل سحابه من عينيك
تبقى مطربألف إيد
يلطف اﻷرض بإيديك
ماانتهيتي ياريحة الياسمين
لسه بنشم فى رياحك
وبتفرشي وشاحك
على أرضي
وريحة هواك فى الحنين
لسه عطرك جوه مني
لمايخرج غصب عني
تبقى حاجتي زي حاجة
أي أم للجنين
ماانتهيتي ياقمر
لسه فى سماك وف ضياك
نور أعيشه واسهره
يأمرني مره وأمره
ويسيبني مره واهجره
واطلب رضاك
ماانتهيتي ياحبيبتي
لسه واخد السهر
ليك طريق
لسه غرقان فى بحارك
قلبي ينزل فى الغريق
لسه سهران كل ليلي
لسه طول الليل صديق
ماانتهيتي ياحبيبتي
لسه ماسك سبحتك
لسه كل نجم فيها
ألمسها أحس بلمستك
لسه نورالكوت بيكون
بين جفوني وهدبتك
لسه ملكاني إبتسامتك
فى الرحيل
وإبتسامتك هيه بس هديتك
لسه هيه . وهيه لسه
أحس بيها وهيه حسه
لمااكون محتاج للمسه والا`همسه
والا`اريح فيهاخمسه
تبقى فرشه بيه حسه
تبقى راحة عمر لسه
راحته هيه فرشتك
ماانتهيتي ياعيوني
لسه عيني لوتغمض
تبقى سمعت كلمتك
وهيه بتودع فى ليلها
فى إنتظار الصبح ييجي
يحيي قلبي بطلعتك
ولوتفتح ألقى فجري
على الببان مستني 
نورالشمس حان
وتصبحي بمحبتك
لوبتبكي ينزل مطر
والسحابه دمعتك
لوبتضحك يبقى بتودع خطر
كان يهدد فرحتك
ولوبتمشي يبقى رمشي
وحده شافك وانت ماشيه
فى سكتك
ماانتهيتي وﻻتنتهي
غيرلماافارق دنيتك
......(شعر).......
عبدالله السايحض