(مجلة كل الخواطر)" حبك" بقلم طارق شامخ عبد الجواد

حبك

بحبك قد ما تقولى
وحبى ملوش آخر
بحبك فين ما بتكونى
وشوقى ليكى ع الاخر
يا ورده ريحتها عجبانى
يا فله وسط بستانى
يا نجمه جايه م العالى
بتشاور وبتلالى
يا موج عالى فى بحرك اعوم
واعدى بحور مانا المسحور
عروسه البحر سحرانى
بحبك قد ما تقولى
وحبى ملوش آخر

بحبك حب آخره جنون
يتوه عقلى واعيش مخبول
لو فكرت تنسانى
مانا بيكى بقيت مفتون
بلف الكون واشوف فى عيون
ولا غيرك على بالى
يا ضى وجى من بدرى
يا نسمه حلوه بتعدى على خدى
وعارفه بس عنوانى
يا موج عالى فى بحرك اعوم
واعدى بحور مانا المسحور
عروسه البحر سحرانى
بحبك قد ما تقولى
وحبى ملوش آخر
بحبك فين ما بتكونى
وشوقى ليكى ع الاخر