مجلة كل الخواطر \ (مش عايز اكون عواد)\ بقلم الشاعر المميز فرج الشاعر

(مش عايز اكون عواد)
لوقلت خايف عليكي يامصر
يفتكروه ضعف مني.
لوقلت خايف علي جيشك
علي اولادك علي أحفادك
من الارهاب الي طرق بابك
حيفتكروه ضعف مني.
مش متخيل اصحي في يوم

ملاقيش حدود ارضك.

د مش مستحيل ومش ممكن

ابوس ايدك انا في عرضك..

مش عايز اكون عواد

يقولو عليه باع ارضك..

اتصدي للظلم والظالمين

د لو ليا خاطر عندك..

وصفحه يابلدي نطويها

مفهاش حلو والمر ماليها..

أوعي يابلادي ينحني ضهرك..

ومتقوليش واحده واحده وعلي مهلك..

أنا من زمان يابلادي دافع مهرك.

دم الشهداء من جيشك ومن شبابك

ومن اهلك...